ኢትዮጵያ፡በዘር ማጥፋት ወንጀል አፋፍ ላይ!


[147ኛ ልዩ የሰብዓዊ መብቶች ዘገባ]

ኢሰመጉ የቆመው ለዴሞክራሲያዊ ሥርዓት መዳበር፣ ለሕግ የበላይነት መስፈንና ለሰብዓዊ መብቶች መከበር ነው!  

ኢትዮጵያ ሰብዓዊ መብቶች ጉባዔ – ኢሰመጉ

ጋዜጣዊ መግለጫ

ጥቅምት 27 ቀን 2013 ዓ.ም          

የኢትዮጵያ ሰብዓዊ መብቶች ጉባዔ – ኢሰመጉ በበጎ አድራጎትና ማኅበራት አዋጅ ቁጥር 1113/2011 መሠረት ተመዝገቦ ለዴሞክራሲያዊ ሥርዓት መዳበር፣ ለሕግ የበላይነት መስፈን እና ለሰብዓዊ መብቶች መከበር የሚሠራ የሰብዓዊ መብቶች ተሟጋች ድርጅት ነው፡፡ በዚህ መሠረት ከ1984 ዓ.ም ጀምሮ በእስካሁኑ ቆይታው 38 መደበኛ የሰብዓዊ መብቶች ዘገባዎችን፣ 147 ልዩ ዘገባዎችን እና በልዩ በልዩ ወቅታዊ ጉዳዮች ላይ በርካታ ጋዜጣዊ መግለጫዎችን ይፋ በማድረግ የሰብዓዊ መብት ጥሰቶችን ለሕዝብ ሲያሳውቅ ቆይቷል፡፡

በቅርብ ጊዜያት በሐገራችን ውስጥ እያጋጠሙ ያሉ ተደጋጋሚ የሰብዓዊ መብቶች ጥሰቶችንም በማጣራት ይፋ ለማድረግ ከፍተኛ ጥረት እያደረገ ነው፡፡ ከእነዚህም መካከል ሰኔ 22 ቀን 2012 ዓ.ም የታዋቂው አርቲስት ሀጫሉ ሑንዴሳ ግድያን ተከትሎ፤ በአዲስ አበባ ከተማ አስተዳደር እና በኦሮሚያ ብሔራዊ ክልላዊ መንግሥት ሥር ባሉ የተለያዩ አካባቢዎች የተፈጸመው ዓይነተ-ብዙ የሰብዓዊ መብቶች ጥሰት አንደኛው ነው፡፡

በወቅቱ የተፈጸመውን የሰብዓዊ መብቶች ጥሰት ለማጣራት ኢሰመጉ በዋናው እና በቅርንጫፍ ቢሮዎቹ በኩል መረጃዎችን በማሰባሰብ እና የመስክ ምርመራ ሥራዎችን በመሥራት ጥሰቶቹን በመለየት 147ኛውን ልዩ የሰብዓዊ መብቶች ዘገባ አጠናቋል፡፡

በመሆኑም፤ የምርመራ ሥራውን ግኝት የያዘውን የኢሰመጉ 147ኛው ልዩ የሰብዓዊ መብቶች ዘገባ በኢሰመጉ ዋና እና ቅርንጫፍ ቢሮዎች በኩል በአካል በመገኘት፤ እንዲሁም ከሚከተሉት የመገናኛ አማራጮች ያሻዎትን ተጠቅመው ማግኘት ይችላሉ፡፡

Leave a Reply

Your email address will not be published. Required fields are marked *

*

*

*