የፕሮፌሰር መስፍን ወ/ማርያም የቀብር ስነ-ሥርዓት

የታዋቂው የአደባባይ ምሁር የሰብዓዊ መብት ተሟጋቾች አባት የፕሮፌሰር መስፍን የዜና እረፍታቸው ከተሰማ ጀምሮ ክብራቸውን የሚመጥን የቀብር ስነ-ሥርዓት ለማካሄድ የቀብር አስፈፃሚ ኮሚቴ ተዋቅሮ በስራ ላይ ይገኛል።
የቀብር አስፈፃሚ ኮሚቴው ባወጣው የጊዜ ሌዳ መሠረት
የፕሮፌሰር መስፍን ወ/ማርያም የቀብር ስነ-ሥርዓት የሚፈፀመው የፊታችን ማክሰኞ ማለትም መስከረም 26/ 2013 ዓ/ም ከቀኑ 6:00 ሰዓት ላይ በቅስት ስላሴ ካቴድራል ቤተክርስቲያን ሲሆን ከቀብር ስነ-ሥርዓቱ በፊት ከጥዋቱ 2:30 እስከ ቀኑ 5:00 ሰዓት ድረስ በአዲስአበባ ዩንቨርስቲ ስድስት ኪሎ ካምፓስ ልደታ አዳራሽ ውስጥ ቤተሰቦች እና ጥሪ የተደረገላቸው እንግዶች በተገኙበት የሽኝት ዝግጅት ይደረጋል።
በመቀጠልም ከ ቀኑ 5:30 ላይ አስከሬናቸው በወዳጅ ዘመዶቻቸው እና በአፍቃሪዎቻቸው ታጅቦ በልዩ ስነ-ሥርዓት ቀብራቸው ወደ ሚፈጸምበት ቅድስት ስላሴ ካቴድራል ቤተክርስቲያን ጉዞ ይደረጋል።
ከቀኑ 6:30 እስከ 7:30 ባለው ጊዜ ስርዓተ-ቀብራቸው የሚፈጸም ይሆናል።

በድጋሜ ኢሰመጉ ለቤተሰቦቻቸው፣ወዳጆች እንዲሁም ለመላው የኢትዮጵያ ህዝብ መጽናናትን ይመኛል።

በሰሩት ዘላለማዊ ስራ ሁሌም ስናስታውሳቸው እንኖራለን!

Leave a Reply

Your email address will not be published. Required fields are marked *

*

*

*